SQE1 Cwestiynau enghreifftiol

Cwestiwn 24

Mae cleient yn mynd i weld ei gyfreithiwr am fod to tŷ ei gymydog wedi mynd i gyflwr gwael (disrepair) yn ddiweddar ac mae eisiau gweld a all wneud unrhyw beth am hyn.

Mae e’n dangos gweithred (deed) i’w gyfreithiwr lle’r oedd y cymydog wedi rhoi cyfamod (covenant) ynddo er budd tŷ’r cleient: “i beidio â gadael i gyflwr y to fynd yn wael.”

Pa un o’r canlynol sy’n disgrifio orau pam mae’r cleient yn debygol o allu siwio’r cymydog o dan y cyfamod hwn?

A. Gan y bydd eithriad (exception) y cynllun adeiladu yn berthnasol.

B. Gan y bydd athrawiaeth cyd-fudd a chyd-faich (doctrine of mutual benefit and burden) yn berthnasol.

C. Gan mai cyfamod cadarnhaol (positive) ydyw.

D. Gan mai cyfamod cyfyngiadol (restrictive) ydyw.

E. Gan mai’r cymydog oedd y parti gwreiddiol yn y weithred.