SQE1 Cwestiynau enghreifftiol

Cwestiwn 17

Mae cyfreithiwr yn delio ag achos o esgeuluster (negligence) ar ran cleient. Ar y dechrau, rhoddodd y cyfreithiwr amcangyfrif ysgrifenedig o gyfanswm tebygol y costau, sef £15,000 gan gynnwys ffioedd y bargyfreithiwr ac alldaliadau (disbursements) eraill. Rai wythnosau’n ddiweddarach, mae’r cyfreithiwr yn penderfynu bod angen tystiolaeth arbenigol hefyd a bydd hyn yn costio £3,000 yn ychwanegol.

Pa un o’r canlynol sy’n egluro orau’r hyn y dylai’r cyfreithiwr ei wneud nesaf?

A. Does dim angen i’r cyfreithiwr wneud dim gan fod y cleient wedi cael gwybod mai dim ond amcangyfrif a gafodd ar y dechrau.

B. Does dim angen i’r cyfreithiwr wneud dim gan fod costau arbenigwyr yn cael eu dyfarnu gan y llys.

C. Does dim angen i’r cyfreithiwr wneud dim gan nad oes yn rhaid iddo ddweud wrth y cleient am gostau trydydd parti.

D. Dylai’r cyfreithiwr ysgrifennu at y cleient i roi gwybod iddo am gostau’r arbenigwr a gofyn am gyfarwyddyd gan fod yn rhaid i gyfreithiwr gael caniatâd ymlaen llaw ar gyfer pob eitem o wariant.

E. Dylai’r cyfreithiwr ysgrifennu at y cleient i roi gwybod iddo am gostau’r arbenigwr a gofyn am gyfarwyddyd gan nad yw’r amcangyfrif gwreiddiol yn gywir mwyach.