Polisi Cyfrinachedd Ymgeiswyr

Adolygwyd ddiwethaf: 23/02/2026

• Mae Polisi Cyfrinachedd Ymgeiswyr ar waith ar gyfer yr holl asesiadau SQE. Bydd angen i bob ymgeisydd sy'n sefyll asesiad SQE lofnodi Cytundeb Cyfrinachedd cyn dechrau'r asesiad.
• Mae canllawiau am y Polisi Cyfrinachedd Ymgeiswyr, a’r hyn a ystyrir i fod yn ymddygiad na fyddai’n doriad a’r ymddygiad y byddai’n cael ei ystyried yn doriad, ar gael ar wefan SQE: Canllawiau am y Polisi Cyfrinachedd Ymgeiswyr.
• Mae'r Cytundeb Cyfrinachedd yn berthnasol i'r holl asesiadau SQE. Mae angen i bob ymgeisydd lofnodi datganiad neu gadarnhau'n electronig ei fod wedi darllen a deall darpariaethau'r Polisi Cyfrinachedd Ymgeisydd SQE ac yn cytuno â nhw; ei fod yn cytuno na fydd yn mynd ag unrhyw ddeunyddiau o'r ganolfan brofi nac yn copïo unrhyw ddeunyddiau o'r asesiad; ni fydd yn trafod nac yn rhannu gwybodaeth am gynnwys penodol cwestiynau’r asesiad gydag unrhyw barti arall; a’i fod yn deall bod cynnwys yr asesiad hwn yn gyfrinachol. Mae'r cytundeb hwn wedi'i ailgynhyrchu isod.
• Ni chaniateir i ymgeiswyr ddechrau’r asesiad oni bai eu bod wedi llofnodi Cytundeb Cyfrinachedd.
• Cyfrifoldeb yr ymgeisydd yw sicrhau ei fod yn cydymffurfio â thelerau'r Cytundeb Cyfrinachedd a lofnodwyd cyn, yn ystod ac yn dilyn yr asesiad.
• Gallai unrhyw weithgaredd a wneir gan ymgeisydd (boed hynny'n fwriadol neu'n anfwriadol) a allai arwain at yr ymgeisydd neu gyd-ymgeisydd yn cael mantais annheg a/neu amhriodol mewn perthynas â'r SQE fod yn groes i Reoliad Asesu 13. Bydd peidio â chydymffurfio â'r Cytundeb Cyfrinachedd yn torri'r Rheoliadau Asesu. Mae manylion llawn ar gael yn adran 13 o Reoliadau Asesu'r SQE; Camymarfer a Chamymddygiad.

Datganiad Cyfrinachedd

Dyddiad yr Asesiad

Rwyf yn cadarnhau:

• Fy mod i wedi darllen a deall Polisi Cyfrinachedd Ymgeiswyr SQE ac yn cytuno i gydymffurfio â'i ddarpariaethau;
• Ni fyddaf yn cymryd unrhyw ddeunyddiau o'r ganolfan brofi nac yn atgynhyrchu unrhyw ddeunyddiau o'r asesiad;
• Ni fyddaf yn trafod nac yn rhannu gwybodaeth am gynnwys penodol cwestiynau’r asesiad gydag unrhyw barti arall; ac
• Rwyf yn cydnabod bod cynnwys yr asesiad hwn yn gyfrinachol.

Rwyf yn deall na chaniateir i ymgeiswyr adael neu ddatgysylltu o unrhyw sesiwn asesu nes y rhoddir caniatâd iddynt wneud hynny gan Weinyddwr y Ganolfan Brofi/proctor.

Mae canllawiau am ba ymddygiad y byddai, neu na fyddai, yn cael ei ystyried i fod yn doriad o Bolisi Cyfrinachedd Ymgeiswyr SQE ar gael ar wefan SQE.

Ydw, rwyf yn derbyn telerau'r Cytundeb Cyfrinachedd.

Canllawiau ar gyfrinachedd

Mae’r canllawiau hyn yn darparu gwybodaeth am yr ymagwedd at gyfrinachedd a thegwch a pham bod gennym ni’r polisïau hyn ar waith. Mae’n cynnwys canllawiau ar yr ymddygiad a ganiatier gan ymgeiswyr a’r hyn a allai fod yn doriad.

Rhagor o wybodaeth am gyfrinachedd ymgeiswyr