SQE1 Cwestiynau enghreifftiol

Cwestiwn 99

Mae gan gwmni cyfyngedig preifat bedwar cyfranddaliwr cyffredin. Mae Cyfranddaliwr 1 a Chyfranddaliwr 2 yn berchen ar 30% yr un o gyfrannau cyffredin y cwmni; mae Cyfranddaliwr 3 a Chyfranddaliwr 4 yn berchen ar 20% yr un o gyfrannau cyffredin y cwmni. Mae gan y cwmni erthyglau enghreifftiol heb eu diwygio fel a bennwyd yn Atodlen 1 i Reoliadau Cwmnïau (Erthyglau Enghreifftiol) 2008.

Yn ddiweddar, derbyniodd pob un o’r cyfranddalwyr rybudd priodol o gyfarfod yr aelodau. Cynullwyd y cyfarfod i geisio cymeradwyaeth y cyfranddalwyr ar gyfer cynnig i ymrwymo i gontract gwasanaeth gydag un o gyfarwyddwyr y cwmni am dymor penodol o bum mlynedd. Gwnaed cais am bleidlais gyfrannau (poll vote) yn briodol yng nghyfarfod yr aelodau.

Dim ond Cyfranddaliwr 1 a Chyfranddaliwr 3 a oedd yn bresennol yn y cyfarfod, ac ni phenodwyd dirprwyon gan y rhai nad oeddent yn bresennol. Pan gafodd y penderfyniad (resolution) ei gyflwyno i'r cyfarfod, pleidleisiodd Cyfranddaliwr 1 o'i blaid, gan roi ei gydsyniad i’r contract gwasanaeth tymor penodedig o bum mlynedd arfaethedig. Pleidleisiodd Cyfranddaliwr 3 yn erbyn y penderfyniad.

A yw penderfyniad y cyfranddalwyr wedi’i basio trwy’r bleidlais gyfrannau?

A. Nac ydy, oherwydd ni chafodd y penderfyniad ei gymeradwyo gan o leiaf 50% o gyfranddalwyr y cwmni.

B. Nac ydy, oherwydd ni chafodd y penderfyniad ei gymeradwyo gan fwy na 50% o gyfranddalwyr y cwmni.

C. Ydy, oherwydd cafodd y penderfyniad ei gymeradwyo gan fwy na 50% o'r pleidleisiau a gafodd eu bwrw gan y cyfranddalwyr a oedd yn bresennol yn y cyfarfod ac yn gymwys i bleidleisio.

D. Nac ydy, oherwydd ni chafodd y penderfyniad ei gymeradwyo gan fwy na 50% o gyfranddalwyr y cwmni a oedd yn bresennol yn y cyfarfod ac yn gymwys i bleidleisio.

E. Ydy, oherwydd cafodd y penderfyniad ei gymeradwyo gan o leiaf 50% o'r pleidleisiau a gafodd eu bwrw gan y cyfranddalwyr a oedd yn bresennol yn y cyfarfod ac yn gymwys i bleidleisio.