SQE1 Cwestiynau enghreifftiol

Cwestiwn 94

Mae hawlydd yn Lloegr yn berchen ar gadwyn genedlaethol o siopau anifeiliaid anwes. Mae wedi cyflwyno hawliad am iawndal amhenodedig (unspecified damages) yn erbyn un o'i gyflenwyr (y diffynnydd) sydd hefyd yn Lloegr. Mae'r hawliad yn ymwneud â theganau cŵn y mae'r hawlydd yn honni nad oeddent o ansawdd boddhaol nac yn addas i’r diben.

Mae'r ffurflen hawlio wedi'i chychwyn (issued) ond nid yw wedi’i chyflwyno (not served) eto. Mae'r hawlydd yn credu bod angen mwy o amser i baratoi manylion yr hawliad. Hoffa'r hawlydd wybod a oes rhaid cyflwyno manylion yr hawliad gyda'r ffurflen hawlio neu a ellir eu cyflwyno ar wahân a beth yw'r terfynau amser ar gyfer cyflwyno. Nid oes unrhyw sail ar gyfer gwasanaeth amgen, nac ar gyfer unrhyw estyniad amser ar gyfer cyflwyno.

Pa un o'r datganiadau canlynol sy'n pennu’n gywir y rheolau ar gyfer cyflwyno manylion yr hawliad dan yr amgylchiadau hyn?

A. Gellir cyflwyno manylion yr hawliad o fewn 14 diwrnod o gyflwyno'r ffurflen hawlio, ar yr amod bod y ffurflen hawlio yn cael ei chyflwyno i'r diffynnydd pedwar mis fan bellaf ar ôl cyflwyno'r ffurflen hawlio.

B. Gellir cyflwyno manylion yr hawliad o fewn 14 diwrnod o gyflwyno'r ffurflen hawlio, ar yr amod bod manylion yr hawliad yn cael eu cyflwyno i'r diffynnydd pedwar mis fan bellaf ar ôl cyflwyno'r ffurflen hawlio.

C. Gellir cyflwyno manylion yr hawliad o fewn 14 diwrnod o gyflwyno'r ffurflen hawlio, ar yr amod bod manylion yr hawliad yn cael eu cyflwyno i'r diffynnydd chwe mis fan bellaf ar ôl cyflwyno'r ffurflen hawlio.

D. Rhaid cyflwyno manylion yr hawliad ar yr un pryd â'r ffurflen hawlio, a rhaid cyflwyno'r ffurflen hawlio a manylion yr hawliad o fewn pedwar mis o ddyddiad cyflwyno'r ffurflen hawlio.

E. Rhaid cyflwyno manylion yr hawliad ar yr un pryd â'r ffurflen hawlio, a rhaid cyflwyno'r ffurflen hawlio a manylion yr hawliad o fewn chwe mis o ddyddiad cyflwyno'r ffurflen hawlio.