SQE1 Cwestiynau enghreifftiol

Cwestiwn 65

Mae tri ffrind yn berchen ar eiddo rhydd-ddaliadol (freehold) cofrestredig gyda’i gilydd fel tenantiaid cydradd (tenants in common) mewn cyfrannau cyfartal (equal shares). Mae’r eiddo yn ddarostyngedig i gyfamodau cyfyngiadol (restrictive covenants).

Mae un o’r ffrindiau wedi marw. Yn ddiweddar mae ysgutorion (executors) ei ystad wedi cael grant profiant (grant of probate).

Mae’r eiddo wrthi’n cael ei werthu i brynwr. Bydd hi’n dal yr eiddo mewn ymddiriedolaeth iddi hi a’i mab sy’n oedolyn.

Mae’r contract ar gyfer y gwerthiant wedi’i gyfnewid. Mae hyn yn ymgorffori’r Amodau Gwerthu Safonol (Pumed Argraffiad – Diwygiad 2018) heb unrhyw ddiwygiadau perthnasol.

Mae’r trosglwyddiad wrthi’n cael ei ddrafftio yn barod i’w gwblhau.

Pwy, os unrhyw un, sy’n gorfod gweithredu’r trosglwyddiad, ar wahân i’r ddau ffrind sy’n dal i fyw?

A. Neb.

B. Yr ysgutorion yn unig.

C. Y prynwr yn unig.

D. Yr ysgutorion a’r prynwr yn unig.

E. Yr ysgutorion, y prynwr a’r mab sy’n oedolyn.