SQE1 Cwestiynau enghreifftiol

Cwestiwn 31

Mae menyw yn cario gliniadur wrth gerdded adref gyda’i merch. Mae dyn yn dod tuag atynt, yn pwyntio at y ferch ac yn sgrechian ar y fenyw: “Rho’r gliniadur i mi neu mi dorraf wddf y ferch.” Ei fwriad yw codi ofn ar y ddwy a gwneud iddynt feddwl y bydd yn defnyddio’r trais mae’n ei fygwth, ac yna dwyn y gliniadur. Mae’r fenyw’n taflu’r gliniadur at y dyn ac mae’n ei gymryd, ac mae’r fenyw a’i merch yn rhedeg i ffwrdd. Mae’r dyn yn cael ei ddal yn ddiweddarach a’i gyhuddo (charged) o ladrad.

A yw’r dyn yn euog o ladrad?

A. Nac ydy, gan nad yw wedi defnyddio grym gwirioneddol ar unrhyw un.

B. Nac ydy, gan fod ei fygythiadau wedi’u cyfeirio at y ferch ac nid at y fenyw a oedd yn cario’r gliniadur.

C. Ydy, gan ei fod wedi dwyn y gliniadur, ac yn syth cyn hynny, ac er mwyn gwneud hynny, mae wedi achosi aflonyddwch, braw neu drallod i’r fenyw a’i merch.

D. Ydy, gan ei fod wedi dwyn y gliniadur, ac yn syth cyn hynny, ac er mwyn gwneud hynny, mae wedi peri i’r ferch ofni y bydd yn dioddef grym yn y fan a’r lle.

E. Nac ydy, gan nad oedd yn cario arf tanio nac arf ymosodol.