SQE1 Cwestiynau enghreifftiol

Cwestiwn 28

Mae menyw wedi cysylltu â chyfreithiwr i ofyn iddo gynrychioli ei thad drwy fod yn bresennol gydag ef yng ngorsaf yr heddlu. Mae’r tad wedi cael ei arestio ar amheuaeth o ymgais i lofruddio ac mae yn nalfa gorsaf yr heddlu.

Mae’r cyfreithiwr yn gwbl ymwybodol o amgylchiadau’r honiad gan ei fod wedi cynrychioli brawd y fenyw ychydig ddyddiau’n ôl pan gafodd y brawd ei arestio am yr un drosedd. Erbyn hyn mae’r brawd wedi’i gyhuddo (charged) o’r drosedd. Bydd y cwmni’n gwneud y gwiriadau arferol o safbwynt gwrthdaro buddiannau (conflict of interests).

A yw Cod Ymddygiad SRA ar gyfer Cyfreithwyr, Cyfreithwyr Cofrestredig Ewrop (RELs) a Chyfreithwyr Cofrestredig Tramor (RFLs) yn caniatáu i’r cyfreithiwr gynrychioli tad y fenyw yng ngorsaf yr heddlu?

A. Nac ydy. Er bod y cyfreithiwr yn gallu derbyn cyfarwyddiadau gan drydydd parti, ni all dderbyn cyfarwyddiadau gan aelod agos o deulu’r cleient arfaethedig.

B. Nac ydy. Ni all y cyfreithiwr dderbyn cyfarwyddiadau gan drydydd parti dan unrhyw amgylchiadau.

C. Ydy. Gall y cyfreithiwr dderbyn cyfarwyddiadau gan y fenyw os yw wedi’i fodloni bod gan y fenyw’r awdurdod i roi cyfarwyddiadau ac nad oes gwrthdaro buddiannau na risg o wrthdaro.

D. Ydy, gall y cyfreithiwr dderbyn cyfarwyddiadau gan y fenyw os yw wedi’i fodloni bod gan y fenyw awdurdod i roi cyfarwyddiadau. Ni all gwrthdaro buddiannau byth godi rhwng aelodau agos o’r teulu a does dim angen aros am ganlyniad y gwiriad gwrthdaro buddiannau.

E. Ydy, gall y cyfreithiwr dderbyn cyfarwyddiadau gan y fenyw os yw wedi’i fodloni bod gan y fenyw awdurdod i roi cyfarwyddiadau. Ni fydd gwrthdaro buddiannau yn codi pan fydd aelodau agos o’r teulu yn gysylltiedig â’r un drosedd a does dim angen aros am ganlyniad y gwiriad gwrthdaro buddiannau.