SQE1 Cwestiynau enghreifftiol

Cwestiwn 58

Mae menyw yn berchen ar adeilad lle mae hi’n cynnal ei busnes o ddarparu cyfleusterau sba a thriniaethau harddwch i’r cyhoedd. Cafodd cwsmer ei anafu wrth ddefnyddio un o’r cawodydd yn y sba pan ddisgynnodd nifer o deils oddi ar wal y gawod ar ei thraed.

Roedd y gawod wedi cael ei hadnewyddu’n ddiweddar gan gontractwyr annibynnol sy’n arbenigo mewn gosod cyfleusterau sba masnachol. Roeddent wedi cael eu hargymell gan syrfëwr profiadol a fu’n arolygu a chymeradwyo’r gwaith gorffenedig i’r fenyw.

Disgynnodd y teils oddi ar y wal gan fod y contractwyr annibynnol wedi defnyddio glud teils annigonol wrth osod y teils ar y wal.

Pa un o’r canlynol sy’n rhoi’r disgrifiad gorau o atebolrwydd posibl y fenyw o dan Ddeddf Atebolrwydd Meddianwyr (Occupiers’ Liability Act) 1957?

A. Nid yw hi’n atebol gan ei bod hi wedi defnyddio contractwyr cymwys a bod y gwaith wedi cael ei wirio wedi i’r teils gael eu gosod.

B. Nid yw hi’n atebol gan fod gan y contractwyr annibynnol reolaeth dros y safle pan gafodd y gwaith esgeulus ei wneud.

C. Mae hi’n atebol gan fod y cwsmer yn ymwelydd â’r adeilad.

D. Mae hi’n atebol gan fod y fenyw a’r contractwyr annibynnol ill dau yn feddianwyr.

E. Mae hi’n atebol gan fod y teils yn berygl ar y safle.