SQE1 Cwestiynau enghreifftiol

Cwestiwn 44

Mae gyrrwr yn gyrru’n esgeulus ac o ganlyniad mae’n cael damwain. Mae teithiwr yn ei gar yn cael anaf yn y ddamwain. Roedd eisoes gan y teithiwr gyflwr difrifol i’w gefn, ac roedd y gyrrwr yn ymwybodol o hynny. Mae’r cyflwr hwnnw’n gwaethygu o ganlyniad i’r ddamwain ac mae’r teithiwr yn cael ei barlysu.

Pa un o’r datganiadau canlynol yw’r disgrifiad gorau o’r sefyllfa o allu’r teithiwr i hawlio iawndal (damages) gan y gyrrwr am ei fod wedi ei barlysu?

A. Gall y teithiwr hawlio iawndal gan y gyrrwr am ei fod wedi ei barlysu, gan fod parlys o fewn ystyriaeth y partïon fel posibilrwydd ar adeg y ddamwain.

B. Gall y teithiwr hawlio iawndal gan y gyrrwr am ei fod wedi ei barlysu, gan fod yn rhaid i’r gyrrwr gymryd y teithiwr fel y mae ef ar y pryd.

C. Ni all y teithiwr hawlio iawndal gan y gyrrwr am ei fod wedi ei barlysu, gan na ellid yn rhesymol ragweld y byddai’n cael ei barlysu o ganlyniad i’r ddamwain.

D. Ni all y teithiwr hawlio iawndal gan y gyrrwr am ei fod wedi ei barlysu gan na ddeilliodd y parlys o’r ddamwain yn nhrefn arferol pethau (in the normal course of events).

E. Ni all y teithiwr hawlio iawndal gan y gyrrwr am ei fod wedi ei barlysu gan fod y teithiwr yn rhannol gyfrifol am y parlys oherwydd bod y cyflwr arno’n barod.