SQE1 Cwestiynau enghreifftiol

Cwestiwn 108

Mae cyfreithiwr yn gweithredu wrth weinyddu ystad. Mae un o'r buddiolwyr yn gymwys i dderbyn cymynrodd (legacy) o £10,000 o dan delerau'r ewyllys. Hoffai'r buddiolwr ddefnyddio'r gymynrodd i dalu ffioedd cwrs astudio sy'n dechrau ymhen mis. Mae'r cyfreithiwr wedi dweud y caiff y gymynrodd ei thalu ymhen chwe mis.

Mae modryb y buddiolwr yn cynnig rhoi benthyg £10,000 i'r buddiolwr nawr ond mae am gael ei had-dalu o gymynrodd y buddiolwr. Mae'r fodryb y gofyn i'r cyfreithiwr gytuno i anfon yr arian ar gyfer cymynrodd y buddiolwr yn uniongyrchol ati hi. Mae'r buddiolwr yn cytuno i'r trefniant ac ar ei gais ef, mae'r cyfreithiwr yn ysgrifennu at y fodryb yn cadarnhau y bydd y cyfreithiwr yn talu £10,000 iddi ymhen chwe mis.

Ddeufis yn ddiweddarach, deir o hyd i godisil i'r ewyllys. Nid oedd y cyfreithiwr wedi ystyried y codisil pan chwiliodd ef ymysg y papurau yn ei gwmni a oedd yn cael eu dal ar ran y person marw. Mae'r codisil yn diddymu (revokes) cymynrodd y buddiolwr ac nid oes gan y buddioliwr unrhyw hawl i unrhyw arian o'r ystad. Mae'r fodryb yn mynnu bod yn rhaid i'r cyfreithiwr dalu £10,000 iddi ymhen pedwar mis. Nid yw'r fodryb yn fuddiolwr o dan yr ewyllys na'r codisil.

A yw'r cyfreithiwr wedi'i rwymo i dalu £10,000 i'r fodryb?

A. Nac ydy, oherwydd cytunodd e i dalu'r arian yn ddidwyll (in good faith) ond mae'r amgylchiadau wedi newid mewn ffordd na allai fod wedi'i rhagweld.

B. Ydy, oherwydd iddo ysgrifennu i'r fodryb yn cytuno i dalu'r arian iddi.

C. Nac ydy, oherwydd bod ei gytundeb e'n gyfyngedig yn ymhlyg (implicitly limited) i raddau unrhyw gronfeydd a oedd ar gael i'r buddiolwr.

D. Nac ydy, oherwydd rhaid dosbarthu arian yn yr ystad i'r buddiolwyr sydd â hawl iddo o dan yr ewyllys a'r codisil yn unig.

E. Ydy, oherwydd fe oedd yn gwneud camgymeriad pan nid ystyriodd fodolaeth y codisil.