SQE1 Cwestiynau enghreifftiol

Cwestiwn 43

Mae dyledwr i fod i dalu dyled o £5,000 yn ôl i gredydwr ansicredig (unsecured) heddiw. Mae’r dyledwr yn dweud wrth y credydwr mai dim ond swm o £4,000 y gall ei ad-dalu, ac mae’n gofyn i’r credydwr gytuno mai hwn yw’r setliad llawn a therfynol ar gyfer y swm cyfan. Gan ei fod e’n poeni bod y dyledwr, sydd â chredydwyr ansicredig eraill hefyd, ar fin cael ei wneud yn fethdalwr (bankrupt), mae’r credydwr yn cytuno.

A oes modd i’r credydwr orfodi’r dyledwr i dalu’r £1,000 sy’n weddill?

A. Oes, gan fod y cytundeb i dderbyn llai na’r swm llawn wedi’i wneud o dan orfodaeth (under duress).

B. Oes, gan nad yw’r dyledwr wedi rhoi unrhyw gydnabyddiaeth (consideration) yn gyfnewid am (in return for) y cytundeb i dderbyn llai na’r swm llawn.

C. Nac oes, gan fod y credydwr wedi ildio’i hawl i hawlio’r swm llawn.

D. Nac oes, gan fod y credydwr wedi cael budd cyfreithiol drwy dderbyn £4,000 yn hytrach na dim byd.

E. Nac oes, gan fod y credydwr wedi cael budd ymarferol drwy dderbyn £4,000 yn hytrach na dim byd.