SQE1 Cwestiynau enghreifftiol

Cwestiwn 32

Cafodd cyfreithiwr mewn cwmni o gyfreithwyr alwad ffôn gan reolwr gyfarwyddwr cwmni cyfyngedig preifat sydd wedi’i gorffori yn y DU, sydd yn gleient newydd. Mae’r rheolwr gyfarwyddwr eisiau gwybod pam bod cwmni’r cyfreithiwr yn gofyn am ddogfennau i wirio hunaniaeth cyfranddaliwr y cwmni. Mae cyfranddaliwr y cwmni yn byw ym Mrasil ac yn dal, ac yn berchen ar, holl gyfrannau y cwmni.

Pa un o’r ymatebion canlynol sy’n egluro orau y cyngor y dylai’r cyfreithiwr ei roi i’r rheolwr gyfarwyddwr?

A. Mae’n ddyletswydd ar y cyfreithiwr i wybod pwy yw cyfranddaliwr y cwmni ac i wirio ei hunaniaeth gan fod y cyfranddaliwr yn byw y tu allan i’r DU.

B. Mae’n ddyletswydd ar y cyfreithiwr i wybod pwy yw cyfranddaliwr y cwmni ac i wirio ei hunaniaeth gan fod y cyfranddaliwr yn byw ym Mrasil.

C. Mae’n ddyletswydd ar y cyfreithiwr i wybod pwy yw cyfranddaliwr y cwmni a gwirio ei hunaniaeth gan fod y cyfranddaliwr yn berchen ar fwy na 25% o’r cyfrannau.

D. Mae’n ddyletswydd ar y cyfreithiwr i wybod pwy yw cyfranddaliwr y cwmni ac i wirio ei hunaniaeth oherwydd strwythur y cwmni a’r ffordd y mae’r cyfrannau’n cael eu dal gan y cyfranddaliwr.

E. Mae’n ddyletswydd ar y cyfreithiwr i wybod pwy yw cyfranddaliwr y cwmni ac i wirio ei hunaniaeth gan mai dim ond un cyfranddaliwr sydd gan y cwmni.