SQE1 Cwestiynau enghreifftiol

Cwestiwn 47

Roedd menyw yn meddiannu (occupy) siop ar les sy’n ddwy flynedd o hyd. Ar ddiwedd y cyfnod, adnewyddwyd y les am ddwy flynedd arall. Mae’r fenyw yn parhau i feddiannu’r siop ar y les newydd. Gwnaed y les newydd drwy weithred (by deed) ac nid oedd ei darpariaethau’n cyfeirio at a.62 o Ddeddf Cyfraith Eiddo 1925.

Yng nghefn y siop, mae storfa allanol, sy’n eiddo i’r landlord. Er nad yw wedi’i gynnwys yn y naill les na’r llall, mae’r fenyw bob amser wedi ei defnyddio i gadw stoc. Ar ddechrau’r les wreiddiol, dywedodd y landlord ei fod yn hapus i’r fenyw wneud hyn, cyn belled â’i bod yn cadw’r storfa’n daclus, gan ei fod yntau hefyd yn ei defnyddio ar gyfer storio.

Ddoe, datgelodd y landlord ei gynllun i ddymchwel y storfa. Mae’r fenyw eisiau atal hyn rhag digwydd trwy sefydlu bod ganddi hawl i ddefnyddio’r storfa.

A oes gan y fenyw hawddfraint orfodadwy (enforeceable easement) i ddefnyddio’r storfa?

A. Oes, gan fod ei thrwydded i ddefnyddio’r storfa wedi’i throi’n hawddfraint yn y les newydd.

B. Oes, gan fod y storfa’n angenrheidiol i’w busnes.

C. Nac oes, gan mai trwydded yn unig oedd y cytundeb i ganiatáu iddi gadw stoc yn y storfa.

D. Nac oes, gan na chofnodwyd yn ysgrifenedig y cytundeb i ganiatáu iddi gadw stoc yn y storfa.

E. Nac oes, gan ei bod hi’n rhannu’r defnydd o’r storfa gyda’r landlord.