SQE1 Cwestiynau enghreifftiol

Cwestiwn 46

Mae dyn yn bwriadu creu ymddiriedolaeth er budd ei ferch yn ystod ei bywyd hi ond yn y pen draw mae ef am i’r gronfa ymddiriedolaeth drosglwyddo i’w ŵyr (grandson).

Mae’r dyn yn trosglwyddo’r gronfa ymddiriedolaeth i ymddiriedolwyr, i’w dal mewn ymddiriedolaeth i’w ferch fel y tenant am oes (life tenant) a’i ŵyr fel y gweddilliadwr (remainderman), ar yr amod bod yr ŵyr yn cymhwyso fel cyfreithiwr yng Nghymru a Lloegr.

Ar ôl i’r ymddiriedolaeth gael ei chreu, mae’r ferch a’r ŵyr mewn damwain car. Mae’r ŵyr yn marw yn lleoliad y ddamwain ac mae’r ferch yn marw yn yr ysbyty yn fuan wedi hynny. Roedd yr ŵyr yn ei ail flwyddyn o gwrs gradd yn y gyfraith yn Llundain.

Mae’r ymddiriedolwyr yn gofyn am gyngor ynghylch pwy sydd â hawl i’r gronfa ymddiriedolaeth.

Pa un o’r datganiadau canlynol sy’n disgrifio orau pwy sydd â hawl i’r gronfa ymddiriedolaeth?

A. Mae’r gronfa ymddiriedolaeth yn perthyn i ystad y ferch oherwydd iddi oroesi (survived) yr ŵyr.

B. Mae’r gronfa ymddiriedolaeth yn perthyn i ystad yr ŵyr gan mai bwriad y setlor oedd y dylai’r ŵyr ei chael hi wedi i’r ferch farw.

C. Mae’r gronfa ymddiriedolaeth yn perthyn i’r dyn gan nad oedd yr ŵyr wedi goroesi (survived) y ferch.

D. Bydd y gronfa ymddiriedolaeth yn cael ei rhannu’n gyfartal rhwng ystadau’r ferch a’r ŵyr.

E. Mae’r gronfa ymddiriedolaeth yn perthyn i’r dyn gan i’w ŵyr fethu â bodloni’r amod.