What is the SQE?
Who is the SQE for?
Costs and fees
Dates and locations
Assessment information
The assessment day
Results and resits
Due to inactivity, and for security reasons, you will be automatically logged out of your SQE account in 1 minute.
Press ’continue’ to stay logged in.
The monitoring and maximising diversity survey has been updated. Please return to the survey to reconfirm your answers and complete the new section at the end.
You must do this to remain eligible for the SQE. You will not be able to book your next assessment until you have updated your answers.
Mae llawer o gwestiynau wedi’u codi ynghylch y dehongliad o’r Manylebau Asesu ac yn benodol manylion am y Wybodaeth Gyfreithiol Weithredol.
Nid yw’n ddefnyddiol nac yn briodol pennu’r Wybodaeth Gyfreithiol Weithredol mewn manylder. Byddai gwneud hynny’n codi cymaint o gwestiynau ac y byddai’n eu hateb a gallai arwain at greu swmp enfawr a diangen o wybodaeth anhylaw.
Fodd bynnag, mae’n bosib y byddai darllen y Fanyleb Asesu’n holistig o gymorth i’r rheini sy’n gofyn am fwy o fanylder. O fewn Manyleb Asesu SQE2, mae’r adrannau canlynol yn hynod o ddefnyddiol: Meysydd Ymarfer, Lefel y Manylder Cyfreithiol sy’n Ofynnol, Cymhwyso’r Gyfraith, Cymhwyso’r Gyfraith yn Gywir ac yn Gynhwysfawr, Deunyddiau Cyfreithiol, yn ogystal â’r wybodaeth (Trosolwg, Amcanion Asesu a’r Meini Prawf Asesu) am bob un o’r asesiadau.
Mae’n werth nodi’n benodol fod:
Er mwyn sicrhau tegwch ac integriti’r SQE, caiff gwybodaeth am y Manylebau Asesu eu rhyddhau i’r holl randdeiliaid ar yr un pryd. Cynhelir adolygiad blynyddol o’r Wybodaeth Gyfreithiol Weithredol er mwyn
Caiff unrhyw gwestiynau a godir gan randdeiliaid eu bwydo i’r broses adolygu flynyddol hon.
Dyma’r asesiadau sgiliau cyfreithiol yn SQE2:
Mae rhagor o fanylion am bob un o’r asesiadau hyn ar gael yn Asesiadau yn SQE2.
Er nad oes asesiad ar wahân a elwir yn negodi, bydd pob achos o gyflwyno’r SQE2 yn cynnwys o leiaf un asesiad sy’n cynnwys negodi. Gellir asesu negodi naill ai mewn cyfweliad neu nodyn presenoldeb/dadansoddiad cyfreithiol a/neu ddadansoddi’r achos a’r mater a/neu ysgrifennu cyfreithiol.
Y meysydd ymarfer y mae’r sgiliau cyfreithiol hyn yn cael eu hasesu ynddynt yw:
Gall cwestiynau yn y meysydd ymarfer hyn ddefnyddio’r gyfraith llythrennau du sylfaenol yn yr Wybodaeth Gyfreithiol Weithredol (FLK) fel a ganlyn:
Bydd proffesiynoldeb a moeseg yn rhannau craidd o SQE2. Bydd cwestiynau ar foeseg yn codi’n aml drwy’r SQE2. Ni fyddir yn amlygu materion moesegol a bydd angen i ymgeiswyr nodi unrhyw faterion sy’n ymwneud ag ymddygiad moesegol a phroffesiynol ac arfer barn i’w datrys yn onest ac yn ddidwyll.
Gall cwestiynau sy’n ymwneud â threth godi mewn Ymarfer yng nghyswllt Eiddo; Ewyllysiau ac Anewyllysedd, Gweinyddu ac Ymarfer Profiant; a sefydliadau, rheolau a gweithdrefnau Busnes.
Ceir manylion am y cynnwys a all godi yn yr arholiad yn Atodiad 1. Mae Ymarfer Eiddo o dan y penawdau cyfraith ac ymarfer eiddo tirol rhydd-ddaliadol a lesddaliadol ac egwyddorion craidd cyfraith cynllunio. Mae Atodiad 1 yn is-set o'r FLK yn SQE1. Er mwyn osgoi unrhyw amheuaeth, nid yw system gyfreithiol Cymru a Lloegr, cyfraith gyfansoddiadol a gweinyddol a chyfraith yr UE, gwasanaethau cyfreithiol (ar wahân i wasanaethau ariannol a gwyngalchu arian) a chyfrifon cyfreithwyr yn codi yn SQE2. Mae modd i wyngalchu arian a gwasanaethau ariannol godi yn yr arholiad yng nghyd-destun sefydliadau, rheolau a gweithdrefnau busnes.
Bydd ymgeiswyr yn cael eu harholi ar y gyfraith yn yr SQE fel ag y mae bedwar mis calendr cyn dyddiad yr asesiad cyntaf mewn ffenestr asesu. Caiff ymgeiswyr eu profi ar y gyfraith fel ag y mae ar y dyddiad hwnnw. Ni fyddant yn cael eu profi ar ddatblygiad y gyfraith.
At ddibenion ymarferol, rhennir SQE2 yn ddwy ran fel a ganlyn:
Dyma’r asesiadau llafar yn SQE2:
Cynhelir asesiadau llafar SQE2 dros ddau hanner diwrnod. Mae’r tabl canlynol yn dangos yr asesiadau y bydd ymgeiswyr yn ymgymryd â hwy ar bob un o’r diwrnodau. Bydd ymgeiswyr yn gwneud cyfanswm o bedwar asesiad sgiliau cyfreithiol llafar.
Sylwch y gall gwahanol ymgeiswyr gwblhau’r asesiadau mewn gwahanol drefn. Felly gall ymgeiswyr ddechrau gyda’r cyfweliad a’r nodyn presenoldeb/dadansoddiad cyfreithiol neu’r eiriolaeth.
Mae rhagor o fanylion am yr asesiadau ar gael yn Asesiadau SQE2 fel a ganlyn: Cyfweld y Cleient a chwblhau nodyn presenoldeb/dadansoddiad cyfreithiol ac Eiriolaeth.
Dyma’r asesiadau ysgrifenedig yn SQE2:
Cynhelir asesiadau ysgrifenedig SQE2 dros dri hanner diwrnod. Byddwch yn gwneud cyfanswm o 12 asesiad sgiliau cyfreithiol ysgrifenedig.
Gallwch gwblhau’r asesiadau mewn trefn wahanol i’r hyn a restrir.
Mae rhagor o fanylion am yr asesiadau ar gael yn Asesiadau yn SQE2 fel a ganlyn: Dadansoddi’r achos a’r mater, Ymchwil gyfreithiol, Ysgrifennu cyfreithiol a Drafftio cyfreithiol.
Bydd y cyfweliad yn cael ei farcio gan yr asesydd sy’n chwarae rôl y cleient a bydd yn cael ei farcio ar sgiliau yn unig. Bydd y nodyn presenoldeb a phob rhan arall yn cael eu marcio gan gyfreithwyr a fydd yn asesu’r ymgeisydd ar sail sgiliau a chymhwyso’r gyfraith
Mae’r meini prawf asesu y bydd ymgeiswyr yn cael eu barnu yn eu herbyn ym mhob un o’r chwe rhan sgiliau cyfreithiol ar gael ar y tudalennau canlynol. Bydd perfformiad ym mhob un o’r meini prawf hyn yn cael ei asesu ar raddfa o A i F gan aseswyr hyfforddedig sy’n gwneud dyfarniadau proffesiynol cyffredinol sy’n ymwneud â safon cymhwysedd yr asesiad1 fel a ganlyn:
Yna, bydd y graddio’n cael ei drosi’n farciau rhifol fel bod A = 5 marc a F = 0 marc.
Mae’r meini prawf marcio ar gyfer pob rhan wedi’u rhannu’n farciau ar gyfer sgiliau a marciau ar gyfer cymhwyso’r gyfraith. Wrth gyrraedd marc terfynol ar gyfer yr ymgeisydd, mae’r holl asesiadau, sgiliau a’r defnydd o’r gyfraith yn cael eu pwysoli’n gyfartal. Gwneir hyn er mwyn sicrhau bod ystyriaeth ddigonol yn cael ei rhoi i ansawdd y cyngor a ddarperir.
Wrth ddangos eu bod wedi cyrraedd safon cymhwysedd Cyfreithiwr ar ei ddiwrnod cyntaf, bydd angen i ymgeiswyr ddangos eu bod yn gallu cymhwyso egwyddorion cyfreithiol sylfaenol yn y sefyllfaoedd sy’n seiliedig ar sgiliau sy’n cael sylw yn SQE2 mewn ffordd sy’n mynd i’r afael ag anghenion a phryderon y cleient. Bydd angen digon o wybodaeth arnynt i’w gwneud yn gymwys i ymarfer ar y sail y gallant chwilio am fanylion yn ddiweddarach. Ni fydd disgwyl i ymgeiswyr wybod na rhoi sylw i fanylion y byddai Cyfreithiwr ar ei ddiwrnod cyntaf yn chwilio amdanynt, oni bai eu bod wedi cael y manylion hynny fel rhan o’r deunyddiau asesu. Gweler hefyd yr adran ddeunyddiau cyfreithiol isod. Bydd cwestiynau enghreifftiol ac atebion dangosol yn cael eu cyhoeddi ar wefan yr SQE.
Mae’r meini prawf asesu ar gyfer SQE2 yn cyfeirio at gymhwyso’r gyfraith yn gywir ac yn gynhwysfawr. Mae’r canlynol yn rhestr anghyflawn o’r hyn y gall hyn ei gynnwys:
Mae’r meini prawf asesu ar gyfer cymhwyso’r gyfraith yn cyfeirio at fod yn gyfreithiol gywir ac yn gyfreithiol gynhwysfawr. Bydd sut y dehonglir pob un o’r rhain yn dibynnu ar farn academaidd am bob asesiad sy’n seiliedig ar y Datganiad Cymhwysedd Cyfreithwyr (Atodiad 3) a Gwybodaeth Gyfreithiol Weithredol ar gyfer SQE2 (Atodiad 1). Er enghraifft, mewn asesiad lle mae’n rhaid i’r ymgeisydd nodi’r materion cyfreithiol, mae’n bosib y rhoddir credyd am hyn o dan y gofyniad i fod yn gyfreithiol gynhwysfawr. Lle nodir y materion cyfreithiol yn glir yn y cwestiwn, gellid dyfarnu credyd o dan y gofyniad i fod yn gynhwysfawr yn gyfreithiol am roi dadansoddiad cynhwysfawr o’r materion hynny, nid dim ond er mwyn eu hadnabod.
Mae’r meini prawf asesu ar gyfer y sgiliau ysgrifenedig yn cyfeirio at iaith glir, fanwl, gryno a derbyniol. Gall hyn gynnwys:
Er mwyn pasio SQE2, rhaid i ymgeiswyr gael y marc pasio cyffredinol ar gyfer SQE2. Er mwyn osgoi unrhyw amheuaeth, nodwch os gwelwch yn dda nad oes marc pasio ar wahân ar gyfer asesiad llafar SQE2 ac asesiad ysgrifenedig SQE2. Mae un marc pasio ar gyfer SQE2 yn ei gyfanrwydd. I gael manylion ynghylch sut mae’r marc pasio’n cael ei osod, darllenwch y Polisi Marcio a Chymedroli (bydd hwn ar gael yn y dyfodol).
Ar gyfer pob rhan ac eithrio ymchwil gyfreithiol, bydd ymgeiswyr yn cael deunyddiau y byddai Cyfreithiwr ar ei ddiwrnod cyntaf yn chwilio amdanynt fel rhan o’u deunyddiau asesu.
Bydd angen digon o wybodaeth ar ymgeiswyr i’w gwneud yn gymwys i ymarfer ar y sail y gallant chwilio am fanylion yn ddiweddarach. Ni fydd disgwyl i ymgeiswyr wybod na rhoi sylw i fanylion y byddai Cyfreithiwr ar ei ddiwrnod cyntaf yn chwilio amdanynt, oni bai eu bod wedi cael y manylion hynny fel rhan o’r deunyddiau asesu. Fodd bynnag, dim ond pan ystyrir y byddai angen i Gyfreithiwr ar ei ddiwrnod cyntaf gyfeirio at y deunyddiau hynny y bydd deunyddiau cyfreithiol yn cael eu darparu. Bydd cwestiynau enghreifftiol ac atebion dangosol yn cael eu cyhoeddi ar wefan yr SQE. Am fanylion am yr asesiad ymchwil cyfreithiol, gweler Ymchwil Gyfreithiol.
Ni ellir dod ag unrhyw ddeunyddiau eraill, megis llyfrau a nodiadau, i mewn i’r asesiadau na’u defnyddio yn ystod yr asesiadau
Bydd yr ymgeiswyr yn cael e-bost gan bartner neu ysgrifennydd yn dweud pwy yw’r cleient ac yn rhoi syniad o’r hyn y mae’r cleient wedi dod i’w drafod. Mae’n bosib y bydd dogfennau’n dod gyda’r e-bost, ond nid o reidrwydd. Gall yr e-bost hefyd nodi materion cyfreithiol penodol y dylai ymgeiswyr roi sylw penodol iddynt yn y cyfweliad a’r nodyn presenoldeb/dadansoddiad achos dilynol.
Bydd gan ymgeiswyr 10 munud i ystyried yr e-bost a/neu’r dogfennau.
Yna bydd ganddynt 25 munud i gynnal y cyfweliad gyda’r cleient. Gall y cleient fod, ond ni fydd o reidrwydd, yn rhywun mewn amgylchiadau bregus.
Bydd asesydd a fydd yn chwarae rôl y cleient yn asesu sgiliau’r ymgeisydd yn unig (nid ar gymhwyso’r gyfraith).
Yn y cyfweliad, dylai ymgeiswyr anelu at ennill ymddiriedaeth a hyder y cleient. Dylent geisio cael yr holl wybodaeth berthnasol a dealltwriaeth mor llawn â phosibl o bryderon y cleient. Nid oes angen i ymgeiswyr roi cyngor manwl ar hyn o bryd. Gallant gynnal y cyfweliad ar y sail y byddant yn rhoi cyngor manwl i’r cleient yn ddiweddarach. Fodd bynnag, mae angen i ymgeiswyr roi digon o gyngor rhagarweiniol a mynd i’r afael â digon o bryderon y cleient i sefydlu ymddiriedaeth a hyder y cleient.
Gall ymgeiswyr ddangos eu bod yn gallu cynnal cyfweliad gyda chleient.
Bydd perfformiad ymgeiswyr yn y cyfweliad yn cael ei asesu yn erbyn y meini prawf canlynol:
Sgiliau
Bydd gan ymgeiswyr 25 munud i ysgrifennu, â llaw, nodyn presenoldeb/dadansoddiad cyfreithiol o’r cyfweliad y maent newydd ei gwblhau.
Dylid cofnodi’r holl wybodaeth berthnasol a gafwyd yn ystod y cyfweliad yn y nodyn presenoldeb/dadansoddiad cyfreithiol. Dylai ymgeiswyr ddarparu dadansoddiad o unrhyw faterion cyfreithiol sy’n codi yn y mater a chofnodi eu cyngor cychwynnol i’r cleient. Dylai’r nodyn presenoldeb/dadansoddiad cyfreithiol hefyd nodi’r camau nesaf i’w cymryd gan y cyfreithiwr a, lle bo hynny’n berthnasol, y cleient, yn ogystal ag unrhyw faterion moesegol sy’n codi a sut y dylid delio â hwy. Gall hyn gynnwys (ond nid o reidrwydd) opsiynau a strategaethau ar gyfer negodi. Os yw’r e-bost gan y partner neu’r ysgrifennydd wedi gofyn i’r ymgeisydd ddelio ag unrhyw faterion neu gwestiynau penodol, dylid cynnwys cyngor ar y materion hyn hefyd.
Gall ymgeiswyr ddangos eu bod yn gallu cynhyrchu nodyn presenoldeb yn cofnodi cyfweliad cleient a dadansoddiad cyfreithiol cychwynnol.
Bydd ymgeiswyr yn cael eu hasesu yn erbyn y meini prawf canlynol:
1. Cofnodi’r holl wybodaeth berthnasol.
2. Nodi’r camau nesaf perthnasol.
3. Rhoi cyngor sy’n dangos ffocws ar y cleient (h.y. cyngor sy’n dangos dealltwriaeth o’r broblem o safbwynt y cleient a’r hyn y mae’r cleient eisiau ei gyflawni, nid dim ond o safbwynt cyfreithiol).
Cymhwyso’r gyfraith
4. Cymhwyso’r gyfraith yn gywir at sefyllfa’r cleient.
5. Cymhwyso’r gyfraith mewn modd cynhwysfawr at sefyllfa’r cleient, gan nodi unrhyw faterion sy’n ymwneud ag ymddygiad moesegol a phroffesiynol ac arfer barn i’w datrys yn onest ac yn ddidwyll.
Am ragor o wybodaeth am farcio gweler Marcio SQE2.
Mae Atodiad 3 yn nodi’r Datganiad Cymhwysedd Cyfreithwyr (SoSC).
Mae Atodiad 4 yn mapio’r cymwyseddau a asesir yn yr asesiadau yn SQE2 yn erbyn y SoSC.
Bydd ymgeiswyr yn cael astudiaeth achos y byddant yn ymgymryd ag eiriolaeth yn y llys ynglŷn â hi. Mae e-bost yn gofyn i’r ymgeisydd gynnal yr eiriolaeth ac yn dweud wrthynt ym mha lys y maent yn ymddangos. Lle bo hynny’n berthnasol, rhoddir ffeil o ddogfennau i ymgeiswyr hefyd. Efallai y gofynnir cwestiynau i ymgeiswyr yn ystod yr eiriolaeth. Mae ganddynt 45 munud i baratoi.
Bydd gan ymgeiswyr wedyn 15 munud i gyflwyno eu sylwadau i farnwr sy’n bresennol yn yr ystafell. Bydd cyfreithiwr yng Nghymru a Lloegr yn chwarae rhan y barnwr a bydd yn asesu’r ymgeisydd ar sail sgiliau a chymhwyso’r gyfraith.
Gall ymgeiswyr ddangos eu bod yn gallu ymgymryd ag eiriolaeth gerbron barnwr.
1. Defnyddio iaith ac ymddygiad priodol.
2. Mabwysiadu strwythur clir a rhesymegol.
3. Cyflwyno dadl argyhoeddiadol.
4. Cyfarch y llys/ymgysylltu â’r llys yn briodol.
5. Dylech gynnwys yr holl ffeithiau perthnasol allweddol.
6. Cymhwyso’r gyfraith yn gywir at sefyllfa’r cleient.
7. Cymhwyso’r gyfraith mewn modd cynhwysfawr at sefyllfa’r cleient, gan nodi unrhyw faterion sy’n ymwneud ag ymddygiad moesegol a phroffesiynol ac arfer barn i’w datrys yn onest ac yn ddidwyll.
Mae Atodiad 3 yn nodi’r SoSC.
Asesiad cyfrifiadurol yw hwn. Bydd ymgeiswyr yn cael astudiaeth achos gyda dogfennau y gofynnir iddynt eu defnyddio i lunio adroddiad ysgrifenedig i bartner yn rhoi dadansoddiad cyfreithiol o’r achos ac yn rhoi cyngor sy’n canolbwyntio ar y cleient. Gall hyn gynnwys (ond nid o reidrwydd) opsiynau a strategaethau ar gyfer negodi.
Bydd gan ymgeiswyr 60 munud i gwblhau’r dasg hon.
Bydd ymgeiswyr yn gallu dangos eu bod yn gallu llunio adroddiad ysgrifenedig i bartner yn rhoi dadansoddiad cyfreithiol o’r achos ac yn rhoi cyngor sy’n canolbwyntio ar y cleient.
1. Nodi ffeithiau perthnasol.
2. Rhoi cyngor sy’n dangos ffocws ar y cleient (h.y. cyngor sy’n dangos dealltwriaeth o’r broblem o safbwynt y cleient a’r hyn y mae’r cleient eisiau ei gyflawni, nid dim ond o safbwynt cyfreithiol).
3. Defnyddio iaith glir, fanwl, gryno a derbyniol.
Asesiad cyfrifiadurol yw hwn. Bydd gofyn i ymgeiswyr ymchwilio i broblem ar gyfer cleient. Byddant yn cael e-bost gan bartner yn gofyn i’r ymgeisydd ymchwilio i fater neu faterion, er mwyn i’r partner allu adrodd yn ôl i’r cleient. Bydd rhaid i ymgeiswyr gynhyrchu nodyn ysgrifenedig yn egluro i’r partner eu rhesymeg gyfreithiol a’r ffynonellau allweddol y maent yn dibynnu arnynt, yn ogystal â’r cyngor y dylai’r partner ei roi i’r cleient. Ni fydd angen iddynt ddangos llwybr yr ymchwil.
Cofiwch, er y bydd pwnc yr ymchwil o fewn pennawd cyffredinol y maes ymarfer lle mae’r asesiad wedi’i osod, gall fod y tu allan i gwmpas yr Wybodaeth Gyfreithiol Weithredol, sy’n galw felly am ymchwil.
Bydd ymgeiswyr yn cael ffynonellau ar gyfer yr ymarferion ymchwil cyfreithiol. Gall y rhain gynnwys ffynonellau cynradd ac eilaidd. Efallai na fydd rhai o’r ffynonellau a ddarperir yn berthnasol.
Bydd gan ymgeiswyr 60 munud i gwblhau’r dasg.
Gall ymgeiswyr ddangos eu bod yn gallu ymgymryd ag ymchwil gyfreithiol o amrywiaeth o ffynonellau a ddarperir a llunio adroddiad ysgrifenedig.
1. Canfod a defnyddio ffynonellau a gwybodaeth berthnasol.
2. Darparu cyngor sy’n canolbwyntio ar y cleient ac sy’n mynd i’r afael â phroblem y cleient.
Asesiad cyfrifiadurol yw hwn. Gofynnir i ymgeiswyr ysgrifennu llythyr neu e-bost fel y cyfreithiwr sy’n gweithredu mewn mater, sy’n cymhwyso’r gyfraith yn glir ac yn gywir i bryderon y cleient ac sy’n briodol i’r derbynnydd. Gall hyn fod yng nghyd-destun negodi, ond nid o reidrwydd. Bydd yr ymgeiswyr yn cael e-bost gan bartner yn esbonio beth sydd ei angen. Efallai y bydd dogfennau electronig yn canlyn yr e-bost. Mae'r canlynol yn rhestr anghyflawn o'r derbynwyr posibl: cleient, trydydd parti, yr ochr arall mewn achos o ymgyfreitha neu drafodion cleient, neu bartner yn ei sefydliad.
Bydd gan ymgeiswyr 30 munud i gwblhau’r ymarferiad hwn.
Gall ymgeiswyr ddangos eu bod yn gallu llunio llythyr neu e-bost fel y cyfreithiwr sy’n gweithredu mewn mater.
1. Cynnwys ffeithiau perthnasol.
2. Defnyddio strwythur rhesymegol.
3. Mae’r cyngor/cynnwys yn canolbwyntio ar y cleient a’r derbynnydd.
4. Defnyddio iaith glir, fanwl, gryno a derbyniol sy’n briodol i’r derbynnydd.
5. Cymhwyso’r gyfraith yn gywir at sefyllfa’r cleient.
6. Cymhwyso’r gyfraith mewn modd cynhwysfawr at sefyllfa’r cleient, gan nodi unrhyw faterion sy’n ymwneud ag ymddygiad moesegol a phroffesiynol ac arfer barn i’w datrys yn onest ac yn ddidwyll.
Asesiad cyfrifiadurol yw hwn. Gofynnir i ymgeiswyr ddrafftio dogfen gyfreithiol neu rannau o ddogfen gyfreithiol. Gall hyn fod ar ffurf drafftio o gynsail neu ddiwygio dogfen sydd eisoes wedi’i drafftio ond gall hefyd olygu drafftio heb y naill neu’r llall o’r rhain.
Bydd gan ymgeiswyr 45 munud i gwblhau’r dasg.
Gall ymgeiswyr ddangos eu bod yn gallu drafftio dogfen gyfreithiol neu rannau o ddogfen gyfreithiol ar gyfer cleient.
1. Defnyddio iaith glir, fanwl, gryno a derbyniol.
2. Strwythuro’r ddogfen yn briodol ac yn rhesymegol.
3. Drafftio dogfen sy’n gyfreithiol gywir.
4. Drafftio dogfen sy’n gynhwysfawr yn gyfreithiol, gan nodi unrhyw faterion sy’n ymwneud ag ymddygiad moesegol a phroffesiynol ac arfer barn i’w datrys yn onest ac yn ddidwyll.
Caiff yr egwyddorion craidd atebolrwydd troseddol sy’n ymwneud â’r troseddau penodedig eu rhestru isod:
Troseddau penodedig:
Diffiniad o’r drosedd:
Amddiffyniadau cyffredinol:
Amddiffynfeydd rhannol:
Partïon:
Troseddau anghyflawn:
Hawliau unigolyn dan amheuaeth sy’n cael ei gadw gan yr heddlu i’w holi:
Gweithdrefnau adnabod:
Rhoi cyngor i gleient, gan gynnwys cleientiaid agored i niwed, p’un ai i ateb cwestiynau’r heddlu:
Y drefn ar gyfer cyfweld unigolyn a amheuir dan PACE 1984:
Ceisiadau am fechnïaeth:
Gwrandawiadau cyntaf gerbron y llys ynadon:
Ple cyn y Lleoliad:
Dyrannu busnes rhwng llys ynadon a Llys y Goron:
Rheoli achosion a gwrandawiadau cyn-treial:
Egwyddorion a gweithdrefnau ar gyfer derbyn ac eithrio tystiolaeth:
Trefn treialon yn y llys ynadon a Llys y Goron:
Dedfrydu:
Y drefn apelio:
Trefn y llys ieuenctid:
Gwahanol opsiynau ar gyfer datrys anghydfod:
Datrys anghydfod drwy hawliad sifil:
Lle i gychwyn achos:
Cychwyn a chyflwyno achosion:
Ymateb i hawliad:
Datganiadau o achos:
Ceisiadau interim
Rheoli Achosion:
Tystiolaeth:
Datgelu ac archwilio:
Treial:
Costau:
Apeliadau:
Gorfodi dyfarniadau arian:
Llunio:
Telerau contract:
Ffactorau annilysu:
Terfynu:
Rhwymedïau:
Achosiaeth a phellter
Esgeulustod:
Amddiffyniadau:
Egwyddorion atebolrwydd driprwyol
Atebolrwydd Deiliaid
Atebolrwydd am gynnyrch:
Niwsans:
Ymchwilio i deitl rhydd-ddaliad cofrestredig a heb ei gofrestru:
Ymholiadau a chwiliadau cyn-contract:
Protocol Trawsgludo Cymdeithas y Gyfraith
Cyllid:
Gweithredu ar ran benthyciwr:
Paratoi ar gyfer contractau a’u cyfnewid:
Cyn cwblhau:
Cwblhau ac ar ôl cwblhau:
Rhwymedïau am oedi cyn cwblhau:
Strwythur a chynnwys prydles:
Camau gweithdrefnol ar gyfer rhoi les neu danles:
Camau gweithdrefnol ar gyfer rhoi les:
Trwydded i aseinio a thrwydded i danosod:
Cyfamodau mewn prydlesi:
Rhwymedïau am dorri cyfamod lesddaliad:
Terfynu les:
Sicrwydd deiliadaeth o dan les busnes:
Diffiniad statudol o “Ddatblygu”
Materion nad ydynt yn gyfystyr â “Datblygu”
Materion nad oes angen caniatâd cynllunio penodol ar eu cyfer
Rheoli rheoliadau adeiladu
Gorfodi: terfynau amser ac ystod pwerau gorfodi awdurdod cynllunio lleol.
Treth Dir y Dreth Stamp a’r Dreth Trafodiadau Tir:
Treth ar Werth:
Treth Enillion Cyfalaf:
Natur y Tir:
Teitl y Tir:
Cyd-berchnogaeth ac Ymddiriedolaethau:
Hawliau Perchenogaeth:
Prydlesi:
Dilysrwydd ewyllysiau a chodisiliau:
Cynrychiolwyr Personol:
Newidiadau a diwygiadau i ewyllysiau:
Diddymu ewyllysiau:
Dehongli ewyllysiau:
Rheolau diewyllysedd:
Eiddo sy’n pasio y tu allan i’r ystâd:
Grantiau cynrychiolaeth:
Gweinyddu ystadau:
Hawliadau yn erbyn ystadau dan Ddeddf Etifeddu (Darpariaeth i Deulu a Dibynyddion) 1975:
Treth etifeddu:
Treth Incwm ac Enillion Cyfalaf mewn perthynas â chyfnod gweinyddu ystad:
Creu ymddiriedolaethau penodol a’u gofynion:
Hawl buddiannol:
Y gwahaniaeth rhwng ymddiriedolaethau elusennol ac ymddiriedolaethau i ddiben anelusenno
Ymddiriedolaethau dilynol:
Ymddiriedolaethau cartref y teulu:
Atebolrwydd pobl ddieithr i’r ymddiriedolaeth:
Y berthynas ymddiriedol a’i rhwymedigaethau:
Ymddiriedolwyr:
Atebolrwydd ymddiriedolwyr:
Natur atebion teg a’r gallu i olrhain mewn ecwiti.
(Heb gynnwys Rhestru, Prosbectws, y Canllawiau Datgelu a’r Rheolau Tryloywder ac unrhyw godau neu reolau FCA, Cyfnewidfa Stoc Llundain, eraill)
Nodweddion busnes a sefydliadol (unig fasnachwr/partneriaeth/LLP/cwmnïau preifat a chyhoeddus heb eu rhestru).
Personoliaeth gyfreithiol ac atebolrwydd cyfyngedig.
Y gweithdrefnau a’r dogfennau sydd eu hangen i ymgorffori cwmni/ffurfio partneriaeth/LLP a’r camau eraill sy’n ofynnol o dan ddeddfwriaeth cwmnïau a phartneriaethau i alluogi’r endid i ddechrau gweithredu:
Llywodraethu corfforaethol a chydymffurfiaeth:
Gwneud penderfyniadau partneriaeth ac awdurdod partneriaid:
Ansolfedd (corfforaethol a phersonol):
Treth Incwm:
Treth Gorfforaeth:
Gwyngalchu arian
Gwasanaethau ariannol
Disgwylir i ymgeiswyr ddangos eu gallu i weithredu’n onest ac yn ddidwyll, ac yn unol â Rheoliadau a Safonau SRA fel a ganlyn:
Gyda’i gilydd, cyfeirir at hyn fel y Cod Ymddygiad.
Gweler SoSC (A1) yn Atodiad 3.
Mae Lefel 3 y Safon Trothwy ar gyfer y Datganiad Cymhwysedd Cyfreithiwr (SSC) yn disgrifio ar ba lefel y dylid cyflawni cymwyseddau’r SoSC ar ôl cymhwyso fel cyfreithiwr.
Mae’r datganiad hwn yn rhoi diffiniad eang o gymhwysedd fel “y gallu i gyflawni’r rolau a’r tasgau sy’n ofynnol gan swydd rhywun i’r safon ddisgwyliedig” (Eraut a du Boulay, 2001).
Mantais y diffiniad hwn yw ei fod yn cydnabod bod gofynion a disgwyliadau yn newid yn dibynnu ar rôl a chyd-destun y swydd. Mae hefyd yn cydnabod bod cymhwysedd yn datblygu, ac y gall unigolyn weithio’n ‘gymwys’ ar sawl lefel wahanol, naill ai ar wahanol gamau yn ei yrfa, neu’n wir o un diwrnod i’r llall yn dibynnu ar natur ei waith.
Dylid darllen y datganiad cymhwysedd yn gyfannol. Er enghraifft, mae’r gofyniad yn A1e i barchu amrywiaeth a gweithredu’n deg ac yn gynhwysol yn treiddio i bob maes gwaith ac yn sail i’r holl gymwyseddau yn y datganiad.
Dylai cyfreithwyr allu:
A1. Gweithredu’n onest ac yn ddidwyll, yn unol â gofynion cyfreithiol a rheoleiddiol a Rheoliadau a Safonau SRA, gan gynnwys:
A2. Cynnal y lefel o gymhwysedd a'r wybodaeth gyfreithiol sydd ei hangen i ymarfer yn effeithiol, gan ystyried newidiadau yn y rôl a/neu yn y cyd-destun ymarfer a datblygiadau yn y gyfraith, gan gynnwys:
A3. Gweithio o fewn terfynau eu cymhwysedd a’r oruchwyliaeth sydd ei hangen arnynt, gan gynnwys:
A4. Defnyddio gwybodaeth a dealltwriaeth fanwl ddigonol o’u maes/meysydd gwaith a’u rôl er mwyn ymarfer yn effeithiol, gan gynnwys:
A5. Cymhwyso dealltwriaeth, meddwl beirniadol a dadansoddi i ddatrys problemau, yn cynnwys:
B1. Dod o hyd i ffeithiau perthnasol, gan gynnwys:
B2. Cynnal ymchwil gyfreithiol, gan gynnwys:
B3. Datblygu a chynghori ar opsiynau, strategaethau ac atebion perthnasol, gan gynnwys:
B4. Drafftio dogfennau sy’n gyfreithiol effeithiol ac sy’n adlewyrchu cyfarwyddiadau’r cleient yn gywir, gan gynnwys:
B5. Darparu eiriolaeth lafar ac ysgrifenedig effeithiol, gan gynnwys:
B6. Trafod atebion i faterion cleientiaid, gan gynnwys:
B7. Cynllunio, rheoli a bwrw ymlaen ag achosion a thrafodion cyfreithiol, gan gynnwys:
C1. Cyfathrebu’n glir ac yn effeithiol, ar lafar ac ar bapur, gan gynnwys:
C2. Sefydlu a chynnal cysylltiadau effeithiol a phroffesiynol gyda chleientiaid, gan gynnwys:
C3. Sefydlu a chynnal cysylltiadau effeithiol a phroffesiynol gyda phobl eraill, gan gynnwys:
D1. Cychwyn, cynllunio, blaenoriaethu a rheoli gweithgareddau a phrosiectau gwaith i sicrhau eu bod yn cael eu cwblhau’n effeithlon, yn brydlon ac i safon briodol, mewn perthynas â’u gwaith eu hunain a’r gwaith y maent yn ei arwain neu’n ei oruchwylio, gan gynnwys:
D2. Cadw, defnyddio a chynnal cofnodion cywir, cyflawn a chlir, gan gynnwys:
D3. Rhoi arferion busnes da ar waith, gan gynnwys:
Mae cwestiynau enghreifftiol yn rhoi syniad i chi o arddull y cwestiynau y gellid eu defnyddio i brofi eich gallu i gymhwyso rheolau ac egwyddorion cyfreithiol sylfaenol.
Dysgu mwy: Cwestiynau enghreifftiol SQE2
Create your personal SQE account and book your assessments.
Find out what happens after passing the SQE and admission to the roll of solicitors.